🚂/ Ferrocarril del Norte n’España / 38 kilómetros de vía ferrial xunieron les estaciones de Madrid y Villalba el 3 d’agostu de 1861. La Compañía de los Caminos de Fierro del Norte d’España inauguró esti tramu como parte de la llínea estratéxica que conectaría la capital española cola frontera francesa n’Irún.
La locomotora a vapor realizó’l trayectu inaugural n’una hora y venti minutos tresportando a autoridaes civiles y directivos de la empresa. El tendíu esixó la construcción de viaductos de piedra sobro’l ríu Guadarrama y l’escavación de dellos túneles nel perfil serranu. El serviciu dexó integrar el tresporte de pasaxeros y de suministros agrícoles dende Castiella escontra’l centru peninsular.
La Compañía de los Caminos de Fierro del Norte d’España (CCHNE), conocida a cencielles como «Norte», foi una empresa ferroviaria española creada por escritura público del 29 d’avientu de 1858. La so rede foi una de les más estenses d’España, hasta que foi nacionalizada en 1941, quedando integrada na Rede Nacional de los Ferrocarriles Españoles (RENFE).
