Borines, manantial de cultura abre les sos puertes a la esposición «Artistes Benéficos», una amuesa colectiva d’artistes que, dende l’arrogancia, donaron para la so vienta una ventena d’obres, al envís de siguir la rehabilitación y equipamientu de La Benéfica de Piloña, el proyectu cultural de recuperación del teatru de La Benéfica de L’Infiestu entamáu por Rodrigo Cuevas, Ignacio Somovilla y Sergi Martí.
Acuarela, oliu, fotografía, escultura, impresiones dixitales, cerámica, colax, fierro o diseñu testil conformen esti variáu grupu de creaciones, col común denominador de la contemporaneidad, yá que son toa pieces creaes nos últimos años.
La esposición va tar abierta al públicu dende’l vienres 28 de xunetu al domingu 10 de setiembre. L’horariu de visita va ser de miércoles a sábadu, de 11.00 a 14.00 hores y de 17 a 20.00 hores. Los domingos podrá visitase n’horariu de 11 a 14 hores.
Artistes participantes. Los artistes que participen na amuesa son: Carlos Enrites, Javi Bejarano, Alejandro Botubol, Carmen Castillo, José Mª Díaz-Maroto, Inés Iglesias, Pablo Maojo, Kiko Miyares, Mario Molins, Catalina Rodríguez Villazón, Samuel Salcedo, Robert Waters, Woodic, Ailanto y Celia B.
