Seis díes con actividaes para tolos públicos y qu’inclúi una visita empuesta a la central eléctrica de Ruseco.
Mientres toa esta selmana Sobrescobiu celebra una sestaferia bien especial. Seis díes con talleres, esposiciones y actividaes al campu para estender la programación cultural al branu coyán apunta Tensi Carmona, concejala de Cultura de Sobrescobiu.
Los encargaos d’inaugurar esta mañana les actividaes fueron los neños del campus de branu con un taller para romper mitos sobro la llingua de signos. Amás d’una primera toma de contactu col alfabetu dactilológico, aprendieron signos básicos y frases útiles pa la so día ente día destaca Ana Fernández, monitora.
El platu fuerte de la Sextaferia Cultural Coyana va llegar el miércoles con una doble visita empuesta poles coraes de la central eléctrica de Rusecu pa la que yá nun hai places disponibles. El programa d’actividaes inclúi amás un paséu biointerpretáu, un taller de risoterapia y una charra sobro seguridá personal y va cerrase el sábadu con una marcha popular polos pueblos del conceyu, que va concluyir con una comida na área recreativa d’El Valláu.
