Un sieglu d’evolución nos carros de combate de Trubia. La empresa Santa Barbara Sistemas amuesa’l so primer carru de combate y la última innovación en blindaos. Nun paez asustar muncho, pero nel so tiempu sí. Corría l’añu 1926 cuando un capitán testerón enfotóse en construyilu col so sueldu na fábrica de Trubia. WEB
A la fin fabricáronse cuatro, qu’entraron en combate na Revolución del 34 y la Guerra Civil, y a pesar de la so doble torreta móvil acabaron mal pol so blindaxe a remaches. Foi una innovación pionera de la dómina asegura Raúl Marcos, director de Santa Barbara Sistemas.
Una reliquia que paez salida de la película ‘Sahara’ cola que podrán fotografiase como si fueren Humphrey Bogart.
El tonelaxe del ASCOD nun-y torga ser áxil nel campu. El so blindaxe multicapa esterior y el recubrimientu interior da-y seguridá pa los sos tripulantes, y ye tan versátil que más qu’un vehículu ye una plataforma que s’adapta a les necesidades de cada unidá militar.
Ye unu de los afayos curiosos na presente edición de la Feria Internacional de Muestres.
