La evolución del llinguaxe de los adolescentes avilesinos: del cucho al Whatsapp. La globalización y l’alloñamientu del mundu rural inflúin nel léxicu de los mozos, según un estudiu fechu a partir d’encuestes efectuaes nes Doroteas. LNE
Los «bro», «te renta», «de chill» o «*funar» d’anguaño son el tueru», el «dabuti» o «de tranquis» de va unes décades. La forma d’espresase de los mozos camuda. O, meyor dichu, evoluciona. Como la moda, la tecnoloxía o la gastronomía, el llinguaxe ta íntimamente influyíu pola globalización. Asina lo reflexa un Trabayo Fin de Grau (TFG) de Llingua Española y les sos Lliteratures robláu pola estudiante de la Universidá d’Uviéu Raquel Torres Álvarez, que conclúi, amás, que’l sexu inflúi nel usu del idioma: elles tienen un léxicu más ricu y ellos utilicen menos palabres, pero más homoxénees.
