Lloñe de los discursos institucionales tradicionales, les voces fresques y cargaes d’ilusión de los pequeños pregoneros recordaron la esencia del Sella: la pasión pol deporte, l’arguyu de pertenecer a esta tierra y la maxa d’una fiesta que se tresmite de padres a fíos. Toos ellos recibieron obsequios per parte de los alcaldes de Ribesella y Cangues d’Onís, amás del presidente del Comité Organizador del Descensu Internacional del Sella y toos xuntos entonaron l’Himnu d’Asturies, Himnu de Les Piragües.
Tres les palabres de los pequeños, procediose al encendíu oficial del llume festivo, actu que protagonizaron al pie de los campeones de la pasada edición, los riosellanos Walter Bouzán y Alberto Llera y representantes d’Entaína y La Marea del Sella. L’ambiente festivo yá trescala cada rincón, y el Sella, pimpanu y soriellu, aguarda’l momentu de ver ruxir les pales de los piragüistes.
