Asturies busca na industria aeroespacial nueves oportunidaes para l’ecosistema innovador y empresarial. Un momentu aparente para ganar posiciones y xugar un papel relevante nel programa Artemis.
Asturies quier sumase a la carrera espacial. Lo que fai solo unes décades yera terrén reserváu a les grandes axencies mundiales, ye güei un universu abiertu a empreses innovadores. Y ye ende onde, por llonxanu que paeza, les empreses asturianes podríen tener enforma que dicir.
El proyectu para crear un llaboratoriu que retruque condiciones similares a los tubos llunares nel ayerán pozu Santiago podría suponer un reclamu para atraer interés al ecosistema innovador y empresarial autóctonu, con desenvolvimientos que yá respuenden a les necesidaes de la industria aeroespacial.
Güei caltuvieron un alcuentru con espertos ya investigadores d’esi sector llegaos de distintes partes del mundu. Un momentu aparente para ganar posiciones y xugar un papel relevante nel programa Artemis, que pretende llevar de nuevu al home a la lluna na próxima década.
