Los estudiantes de la politécnica de Xixón presenten el monoplaza de Fórmula Student.Sesenta estudiantes igüen l’equipu asturianu.
Presentóse’l nuevu modelu diseñáu polos 60 estudiantes qu’igüen l’equipu Uniovi ETech Racing. Con él van participar en Formula Student, una competición que nun se trata d’una simple carrera, sinón que tien delles pruebes a les que nun pudieron dir l’añu pasáu apunten Pablo Fernández, Team Leader Uniovi ETech Racing; y Francisco Manuel Fernández Lineras, profesor y coordinador d’Uniovi ETech Racing.
Dende la Universidá reafirmen el so continuu sofitu y aseguren sentir un gran arguyu pol trabayu que faen estos estudiantes qu’amás de diseñar el vehículu encárguense de buscar el financiamientu pa poner en marcha’l proyectu señala Ignacio Villaverde, Rector de la Universidad d’Uviéu.
Too ta preparao pa qu’empiece l’acción el día 1 d’agostu en Montmeló, onde esperen meyorar les resultancies d’años anteriores.
