📺 Ivana Rodríguez, cuñada de Cristiano Ronaldo, va defender a Pravia nel ‘Grand Prix’
El ‘Grand Prix’ enfrenta esti llunes a Pravia contra Serranillos del Valle y los asturianos nun podíen tener una madrina más comprometida. La ‘influencer’ *Ivana Rodríguez, hermana de Georgina y cuñada de Cristiano Ronaldo, va defender a los pravianos nel quintu programa del concursu de Televisión Española.
La ceadora de conteníu, que lleva años viviendo en Xixón cola so familia, yá sabe lo que ye ganar un programa de televisión. L’añu pasáu resultó vencedora en ‘Top Chef: dulces y famosos’, el concursu de repostería de la cadena pública. Naquella ocasión donó los 100.000 euros de premiu a l’asociación ‘L’Ánxel de Javi’, creada pola familia asturiana d’un neñu col síndrome Nedamss.
Agora, Ivana Rodríguez tien un oxetivu bien distinto: ayudar a los pravianos a llegar a la siguiente fase del programa de Ramón García y Lala Chus para tratar de faese colos 30.000 euros de premiu. Para ello Pravia va tener que vencer a Serranillos del Valle, que va tener como padrín al cómicu Raúl Pérez.
