El llavaderu de Murias, n’Ayer, un llenzu para la pintura del artista internacional Joan Aguiló. El muralista de Palma de Mallorca afiguró n’Ayer un nuevu trabayu, ‘Xanes’, col que l’espaciu conviértese nun llugar para ‘faer comunidá’. LNE
Joan Aguiló ye unu de los artistes urbanos y muralistas más reconocíos del país, tamién con gran presencia a nivel internacional. Natural de Palma de Mallorca, estos díes participó nun proyectu de la Casa d’Artistes «La Volandrina», una residencia artística asitiada en Los Estrullones (Ayer). Ye en dichu conceyu onde’l pintor quixo afigurar el so arte con un mural nel antiguu llavaderu de Murias.
El trabayu d’Aguiló caracterizase por «apoderase del espaciu públicu para narrar hestories, al traviés de la representación de persones anónimes». Ye por ello que nun foi casualidá que fuera él l’escoyíu para representar parte de la vida cotidiana de Murias y contorna. Con un llinguaxe artísticu propiu y siguiendo la so llibertá d’espresión, Aguiló representó a trés nuevos xugando nel ríu, un trabayu tituláu «Xanes». Mientres la execución del mural, l’artista cuntó cola compañía de vecinos, y de persones venceyaes a «La Volandrina».
