Enllenu nos agospios de Cangas del Narcea pal fin de selmana. La organización del Prestoso Fest en Cangas del Narcea asegura qu’esta edición ta rexistrando cifres de récord, con más de 1.400 abonos vendíos pa caúna de les xornaes y toles actividaes complementaries yá completes. Afirmen que los asistentes non solo van pola programación musical, sinón tamién pola oportunidá de conocer el conceyu y el so entornu.
Los hoteles colgaron el cartelu de completu y bona parte de les sos reserves tán directamente venceyaes col festival. Una afluencia de visitantes que tamién beneficia a restauranes, comercios y otros negocios locales.
El Prestoso Fest afítase asina, non solo como una cita cultural de referencia n’Asturies, sinón tamién como un importante motor económicu pa Cangas del Narcea en plena temporada de branu.
Pel festival pasaron ayeri pela nueche grupos como Nadadora o’l gallegu Ortiga que col so ritmu animaron a baillar a tolos asistentes al Prestoso.
Güei sedrá’l turnu de Lady Llagar y La Güeriata y del grupu madrilanu Rufus T. Firefly, ente otres formaciones
Confírmase’l bon momentu del festival y l’impactu que tien en Cangas. La organización fai un balance mui positivu dempués d’un fin de semana nel qu’alredor de 1.500 persones pasaron cada día pel recintu de Las Barzaniellas con un total d’unos 6.000 asistentes. Unos datos que confirmen el bon momentu del festival y l’impactu que tien na economía local y el turismu de Cangas.
