Los fieles del Xiringüelu nun fallen a la cita. Decenes de miles de romeros ocupen dende primer hora les casetes del prau Salcéu de Pravia nuna de les fiestes más multitudinaries del branu asturianu. Por eso ta tamién en marcha un gran dispositivu de seguridá y emerxencies.
La Guardia Civil caltién desplegaos 250 efectivos. Hai vixilancia aérea, controles d’accesu y un hospital de campaña. Tamién tán programaos servicios especiales de tresporte.
Más de 40.000 persones y un fuerte dispositivu de seguridá
Pa que’l Xiringüelu seya y se sienta como una fiesta hai un dispositivu de seguridá detrás. En total 412 efectivos ente Guardia Civil, seguridá privada, auxiliares de serviciu a los que s’amiesta Policía Local, Bomberos y Protección Civil apunta Miguel Romano, xefe de Seguridá y Emerxencies del Xiringüelu.
Precisamente, la metá d’esi dispositivu, fórmenlu la Guardia Civil. 250 axentes de toles unidaes operatives. Ente ellos, el grupu d’actividaes Subacuátiques y la Unidá de Violencia de Xéneru señala Avelino Torres, capitán xefe de la Comandancia de la Guardia Civil de Pravia.
Y nuna romería que superará los 40.000 asistentes, l’atención sanitaria ye fundamental. Xunto al prau Salcéu desplegóse un hospital de campaña destaca Alexis Varela, director técnicu de los Servicios Médicos del Xiringüelu.
Too y toos pa velar pola seguridá d’una de les romeríes más multitudinaries d’Asturies.
