Como un marionetista, un dispositivu ayuda a llevantar el pie xusto cuando se necesita, cunta Jonathan Trujillo, ún de los seis probadores, que dende va un añu pue caminar ensin mieu a caer pola so esclerosis múltiple.
Esta ortosis, pensada pa persones que sufrieron un ictus, mancadures medulares o otres enfermedaes qu’afecten la movilidá de les piernes, ye una patente asturiana qu’espera algamar l’añu qu’entra la validación clínica.
Los sos promotores trabayen p’amenorgar el volume y el mediu kilo de pesu d’un dispositivu fechu por impresora 3D. Van poner nel mercáu 80 prótesis a un preciu d’unos 2.100 euros.
El proyectu ‘Camina’, qu’asina se llama, ye la segunda apuesta de la Fundación Caxa Rural pola innovación con impactu social n’Asturies. Apurrirá un capital inicial de 40.000 euros.
A los sos 44 años, Jonathan yá punxo tuneada la so prótesis nel Resurrection Fest. Esti ye un pequeñu pasu d’innovación asturiana pal mundu.
