Les conseyeres d’Educación, Eva Ledo, y de Cultura, Política Llingüística y Deporte, Vanessa Gutiérrez, participaron güei nos actos del V Día de la Llingua Asturiana na #FIDMA2026, con un percorríu polos pabellones d’Iniciativa pol Asturianu, que festexa’l so decimoquintu aniversariu; Migaya, Ver Asturies + Conceyos Prestosos y MásNorte.
Tamién participaron nel actu central, frente al bustu de Xovellanos, col pregón al cargu de Pachi Poncela y les intervenciones institucionales. La xornada completóse con una mesa redonda titulada ‘Cuatro décades de política llingüística’.
Coincidiendo col Día del Asturianu, prestónos enforma venceyar la nuesa actividá cola de la conceyala Ana Purificación Solís y la Estaya de la Llingua d’Avilés, que tuvieron desendolcando una actividá de normalización llingüística colos visitantes
