La FIDMA cierra con un récord de 751.412 visitantes.
La Feria Internacional d’Amueses d’Asturies consolida’l so papel como centru de negocios n’acoyendo 230 actos.
La sesaxésima novena edición de la Feria Internacional d’Amueses d’Asturies cerró les sos puertes esti domingu n’algamando un rexistru históricu de 751 412 visitantes na cortil ferial Luis Adaro de Xixón, cifra llixeramente cimera a l’alcanzada’l pasáu añu.
El certame acoyó mientres les sos xornaes un total de 230 actos institucionales con representación de los sectores económicu, cultural, políticu, social y científicu del Principáu, según el balance que fixo güei la organización.
La presente convocatoria destacó pola presencia de la hestoria asturiana por aciu pabellones dedicaos al aniversariu del Estatutu d’Autonomía, la Universidá Llaboral y el Reinu d’Asturies per parte del Gobiernu del Principáu, el Conceyu de Xixón y el Banco Sabadell Herrero.
Anguaño, tamién destacó na Feria la inauguración de los pabellones de Caxa Rural d’Asturies y Hunosa, amás de la remodelación del de Sabadell Herrero.
Les instalaciones de la cortil ferial amosaron una variedá de novedaes enfocaes na sostenibilidá, la enerxía anovable, la automoción eléctrica y l’eclís solar del branu.
Según la Cámara de Comerciu de Xixón, esta edición consolidó a la Fidma como un gran centru de negocios nel que, amás de les vientes directes, prodúcense alcuentros y contactos empresariales que darréu se traducen en proyectos
La Feria d’Amueses d’Asturies llega al so fin con bones sensaciones ente el espositores. Los sectores del automóvil, el llar y l’hostelería faen yá balance d’una edición marcada tamién pola llegada de más turistes.
Ciérrase xuna nueva edición con bon sabor de boca compartíu. El sector del automóvil asegura superar toles mires y anguaño constaten un aumentu na demanda d’eléctricos.
Dellos clásicos de la feria, como los sartenes, siguen en niveles d’años anteriores. El cuidu del llar tomó tamién protagonismu anguaño.
Una bon resultancia compartida que rellacionen col aumentu de turistes.
Quince díes que lleguen al so fin con un balance positivu y cola próxima cita yá nel horizonte.
