Semeyes, cuadernos, xuguetes y otros oxetos dexen reconstruyir parte de la historia de la escuela piloñesa.
El proyectu de Mapa d’Escueles de Piloña, Maespi, nun para de medrar. Yá algamó protexer la memoria oral de tres pueblos gracies a la collaboración vecinal.
Semeyes, material escolar y hasta xuguetes componen l’amuesa qu’esti sábadu amosóse na escuela de Vegarrionda, la última amestada.
Por mor de qu’un vecín alcontrare un álbum de semeyes nel rastru y reconociere a familiares, propúnxose recuperar la memoria de la escuela. Gracies a la collaboración vecinal y al grupu de memoria, algamóse reconstruyir parte d’esa herencia.
Una de les reliquies, la llibreta de la madre d’Alicia, Maruja. Con impecable caligrafía, nella había dende dictaos hasta apuntes xeográficos, y pa les dos ye un tesoru d’entós.
