🖼️ Mona Llisa. Una pintura sumió del Louvre. El 21 d’agostu de 1911, La Gioconda, conocida mundialmente como la Mona Llisa, foi robada del muséu parisín mientres l’establecimientu permanecía zarráu al públicu. El responsable foi Vincenzo Peruggia, un emplegáu italianu del Louvre que retiró la obra y llogró sacala del edificiu. Mientres más de dos años, el cuadru permaneció sumíu y el casu xeneró una investigación internacional.
En 1913, Peruggia intentó vender la pintura en Florencia y foi deteníu. La obra tornó a París dempués de ser espuesta temporalmente n’Italia. L’episodiu convirtió al cuadru de Leonardo da Vinci n’unu de los oxetos culturales más conocíos del mundu y multiplicó l’atención pública sobro la so hestoria.
Ye un oliu sobro tabla d’álamu de 79 × 53 cm, pintáu ente 1503 y 1519, y retocáu delles vegaes pol autor. Considérase l’exemplu más llográu de sfumato, técnica bien característica de Leonardo, magar anguaño’l so coloríu orixinal ye menos perceptible pol escurecimientu de los barnices.
El cuadru ta protexíu por múltiples sistemes de seguridá y ambientáuo a temperatura estable pa la so preservación óptima. Ye revisáu costantemente pa verificar y prevenir el so deterioru.
