La conseyera de Cultura, Política Llingüística y Deporte, Vanessa Gutiérrez, acompañó güei a JOMAR nel so nomamientu como Fíu Predilectu de Tapia. Un reconocimientu a la so trayectoria artística y, sobre manera, al vínculu que mantuvo siempre col so conceyu, nun actu compartíu con familiares, amistaes, representantes institucionales y vecinos y vecines de Tapia. LNE
Jomar recibe’l gran homenaxe de Tapia: “Nunca esperé recibir nada a cambéu, pero ye un gran honor”. El pintor tapiegu, que la so obra llegó al Muséu Diocesanu d’Uviéu, a la familia de Marie Curie y foi apadrinada por Antonio López, conviértese nel segundu fíu predilectu del conceyu del sieglu XXI
El pintor tapiegu José María Martínez Fernández, más conocíu como «Jomar», recibió esti domingu’l ciñu del so conceyu nun actu d’homenaxe entamáu pol Conceyu n’aprobando’l so nomamientu como fíu predilectu de Tapia de Casariego. Una reconocencia a «toa una trayectoria venceyada al nuesu conceyu», reconocen dende’l Consistoriu y añeden un agradecimientu a tolo qu’apurrió esti vecín que «forma parte de la hestoria y l’identidá de Tapia», sorrayen.
