¿Te preguntasti porque 1 hora estrémase en 60 minutos y cada minutu en 60 segundos o porque tenemos 12 meses y non 13 o 11?
Fai unos 5.000 años , los sumerios, que vivíen na antigua Mesopotamia (actual Iraq), revolucionaron la forma en que percibimos y midimos el tiempu. Los matemáticos de l’Antigua Mesopotamia utilizaron un sistema de numberación basáu nel númberu 60 conocíu como sistema sexagesimal y posicional, inspiráu, probablemente, nos cómputos realizaos para construyir los sos «primitivos» calendarios llunares: 12 meses de 30 díes solares.
La civilización sumeria considérase la primer civilización de la hestoria. Los sumerios asitiarense en Mesopotamia, na cuenca de los ríos Tigris y Éufrates (güei nel actual Iraq).
Esti sistema únicu llevó a estremar darréu una hora en 60 minutos y un minutu en 60 segundos, conceutos qu’inda s’utilicen na actualidá.
La necesidá de los sumerios de cuntar con un cronometraxe precisu foi impulsada pola so sociedá agrícola. Los calendarios precisos yeren esenciales para llantar y collechar cultivos. Tamién precisaben coordinar les sos complexes ceremonies relixoses y actividaes alministratives.
Para ayudar a midir el tiempu , los sumerios fixeron importantes meyores n’astronomía. Repararon los movimientos de los cuerpos celestes y utilizaron esta conocencia para crear un calendariu llunar de 12 meses. Los sumerios estremaron l’añu en dolce ciclos llunares , anque esti tiempu nun coincidía col añu solar (que yera más llargu), asina qu’añedíen un mes cada cuatro años para compensar (lo que ye agora l’añu bisiestu).
Más tarde, los babilonios fraccionaron el día en 24 hores y l’hora en 60 minutos, que s’alliniaba estrechamente coles estaciones agrícoles. Estes divisiones nun yeren arbitraries , sinón que taben diseñaes para ser práctiques y fácilmente divisibles , lo que reflexaba la comprensión avanzada de les matemátiques de los sumerios.
Esti enfoque innovador del tiempu tuvo un fondu impactu en civilizaciones posteriores, incluyíos los babilonios, griegos y romanos, qu’adoptaron y desenvolvieron entá más el sistema sumeriu.
El legáu del sistema de cronometraxe de los sumerios rescampla nos nuesos relóes y calendarios modernos, lo que demuestra la influencia duradera del so inxeniu na nuesa vida diaria. GRAFICU
L’orixe del nuesu calendariu atopase nel de los romanos, y el primeru que tuvieron estos mmamáu calendariu de Rómulo. Componse de diez meses llunares (Martius, Aprilis, Maius, Quintilis, Sextilis, Septembris, Octobris, Novembris y Decembris) de trenta y un díes, lo que daba una duración total de trescientos cuatro díes al añu. Los siguientes sesenta y un díes nun s’asignaben a nengún mes, cenciellamente nun esistíen.
