L’arponazo foi l’empiezu d’una batalla para sacar esti magníficu pexe: ‘Nun podía faer muncha fuerza por que nun se soltara; ye la captura de la mio vida’. LNE / Un submarinista de Xixón pesca una corvina de más de 30 quilos, más alta qu’él, con un arpón mientres buciaba: «So l’agua paecía entá mayor, foi como ver apaecer una vaca».
«Taba somorguiáu a cinco metros de fondura, escondíu ente algues y detrás d’una piedra, esperando a ver si se poníen a tiru dentonos, un pexe con carne bien apreciada y malo de prindar. Dime cuenta de que tolos pexes taben bien nerviosos, nun paraben. Entós miré escontra l’otru llau y vi la razón, vi a la corvina salir de tras d’una piedra, un pocu agazupada porque taba cazando.
Yera xigante y debaxo del agua paecíalo más, foi como ver apaecer una vaca. Tuvi dos segundos pa poder encarala col fusil y disparé». El submarinista xixonés Avelino Álvarez esplica según esti miércoles atopóse, por casualidá, colo que dixo que ye la captura de la so vida, una corvina d’unos 35 quilos de pesu, con mayor llargor que’l metro y 76 centímetros que mide esti buceador. Una fazaña de pesca.
