La boxeadora asturiana Laura Fuertes báñase n’oru nos Xuegos del Mediterráneu: «Toi bien contenta». «L’oxetivu ye una medaya en Los Ánxeles», diz la xixonesa sobro’l suañu olímpicu en ganando’l so primer títulu internacional. LNE
Laura Fuertes (Xixón, 1999) volvió dar una allegría a l’afición asturiana colgando la medaya d’oru nos Xuegos del Mediterráneu que se tán apostando na ciudá italiana de Taranto, lo que supon el so primer títulu internacional y un chute de motivación para encarar los sos próximos retos.
«Yera la mio primera final internacional importante y qué meyor que llevame l’oru», reconocía la deportista asturiana al términu del combate nel que superó a l’arxelina Fatiha Mansouri por decisión estremada (4:1). #feboxeo #boxeoespañol #boxeoolimpico #mediterraneangames #taranto
