De la Universidá d’Uviéu a convertise en promesa de la moda en París y Milán. Enol Novo empezó con una plancha y 500 euros. Güei la so marca de ropa urbano asturiana, Localnv, Instagram /visti a moces d’ente 16 y 25 años.
Mientres estudiaba la carrera na Facultá d’Economía y Empresa d’Uviéu, Enol Novo diba poles tiendes del centru de la ciudá, ropa en mano, buscando quien quixera vendela. La respuesta yera non. Selmanes dempués, llamáronlu dende Milán para participar nun eventu de la Fashion Week. Esa contradicción –nun ser profeta na so tierra– resume abondo bien el percorríu de Localnv, la marca de ropa urbano asturiana que visti a moces d’ente 16 y 25 años.
Tou empezó va seis años, cuando Novo taba en Bachilleratu. Col móvil, asitiando diseños sobro camisetes pa ver cómo quedaben… y aforró pa mercar una plancha y una imprentadora. A partir d’ende, adulces, foi gradiáu. Tardó casi un añu n’atrevese a llanzar oficialmente la marca. D’eso va cinco años.
La inversión inicial fueron 500 euros aforraos mientres un añu. «Con esos 500 euros fixi 700, y asina fui creciendo», cuenta dende’l so taller en Pravia. Güei, la lóxica del negociu sigue siendo la mesma que de primeres, la reinversión: tolo que gana vuelve metese nel proyectu, estremando’l dineru ente nuevos drops, viaxes a eventos y los gastos de producción. L’oxetivu nun ye ganar dineru, sinón que la marca creza lo suficiente como pa dalgún día poder vivir d’ella.
Cada añu saca cuatro colecciones, d’unes 25 prenses caúna, con un procesu de desenvolvimientu d’alredor de cuatro meses. Camisetes, sudaderes y chaquetes que se producen n’Asturies na so mayoría. La estética de cada colección tamién se plania con detalle: colos sos *moodboards crea la estética de cada drop.
El verdaderu saltu llegó en xineru, cuando foi convidáu a un eventu en Milán mientres la Fashion Week entamáu por un colectivu que conecta marques emerxentes con espacios y feries d’Europa. La esperiencia funcionó tan bien que-y abrió les puertes a un eventu en París, y n’ochobre, en Barcelona. Lo que más llama l’atención ye la diferencia del tratu La so llectura foi clara: fuera ser d’una marca distinta» o estranxera xuega a favor y «n’España hasta que nun tienes un númberu de siguidores que te sofite, naide tómate en serio». Él confía nel proyectu: «Eso lleva tiempu, ye lo qu’hai qu’entender».
