Les lletres asturianes despidinse d’Helena Trexu, «una muyer valiente». «Duelnos que muerra ensin ver la oficialidá, pero la so obra y la so alcordanza son un impulsu», espresen los sos familiares y allegaos nun emotivu actu d’homenaxe. LNE
Una muyer «honesta, valiente, creativa y sensible». D’esta forma definió esti domingu a Helena Trexu Fombella la so fía, l’artista plástica Violeta Sánchez Trexu, quien pronunció unes emotives palabres nel actu de despidida a la escritora nacida en Llangréu y afincada nel barriu xixonés de La Calzada dende va décades. Nel homenaxe tamién participaron autores como Inaciu Galán y Sofía Castañón, según la conseyera de Cultura del Principáu, Vanessa Gutiérrez.
