Los centros educativos planifiquen los detalles de la vuelta a escuela. /
El C.P Marcelo Gago ye’l colexu que más medró n’Avilés. N’ocho años pasó de 90 a más de 250 alumnos y alumnes. Esti añu medra una clase más. El so ambiente familiar, el trabayu con proyectos, asina como unes instalaciones meyoraes, son dalgunos de los sos principales reclamos asegura Alejandra Gómez, xefa d’estudios del C.P Marcelo Gago.
Los más de los colexos caltienen la so ratiu d’alumnáu y profesoráu. Como novedá, los centros adaptaránse a la nueva normativa pa comedores escolares, con una dieta más saludable apunta Juan Muñiz, director del C.P Paula Frasinnetti.
El colexu Rei Pelayo de Xixón afronta’l so segundu cursu dempués de tar dos años zarráu pol fundimientu de parte del suelu. La matrícula medró, sobre manera n’Infantil, y el comedor amplióse, anque les obres de remocique entá siguen destaca Pilar Álvarez, directora del C.P. Rei Pelayo.
Según los centros, el bienestar emocional del alumnáu convirtióse nuna de les prioridaes, polo que siguirán desendolcando midíes pa cuidar y reforzar la salú mental.
