Hai munchos elementos de la vida de davezu qu’a dalgunes persones resúlten-yos imposibles d’entender polos términos qu’usen o la dificultá de dellos procesos. Equí surde l’accesibilidá cognitiva. Ye’l procesu d’adaptar estes cuestiones complicaes a otru formatu que facilite la so comprensión. Por exemplu, ta mui presente nel ámbitu xurídicu, aministrativu o sanitariu afayando espacios y testos esplica Casilda Sabín, xerente de ‘Plena Inclusión’ Asturies.
La norma afita l’inxerimientu de midíes como recursos d’orientación, pictogrames o llinguaxe claru. Otru recursu ye la llectura fácil, un métodu de redacción y diseñu qu’adapta documentos siguiendo una normativa europea y que s’identifiquen con esti símbolu. Esti reglamentu afectará a axentes públicos y privaos.
Sobre’l papel, dicen les asociaciones, ye una midida qu’implica un gran desendolcu nos derechos de les persones con torgues de comprensión, pero recuerden que faen falta más coses pa que seya efectiva.
Con normes como esta visibilízase’l día a día de persones a les que se pasa a vegaes per alto.
