¿Últimos díes del Parque de la Vida de L.luarca?

Cierra les sos puertes esti mes y medita el so adiós definitivu. Luis Laria, director del complexu de divulgación científica y abelugu de recuperación para munchos animales, enconta la decisión nun «absolutu despreciu alministrativu». El Comercio

El Parque de la Vida de L.luarca, unu de los referentes en divulgación científica, medioambiental y turismu de la contorna del occidente asturianu, pausará la so actividá a partir del próximu 27 de setiembre. La decisión, adoptada pol so fundador y director, Luis Laria, abre un periodu de reflexón que podría desaguar na clausura permanente de les instalaciones.

Laria fixo pública esta drástica midida al traviés d’un mensaxe nes sos redes sociales, onde enconta la paralización nun «absolutu despreciu alministrativu» y n’una «desconsideranza manifiesta» per parte de los organismos encargaos de la promoción turístico y cultural del espaciu. A esti respectu, el responsable del centru dexó claro que la discrepancia nun anicia nel ámbitu financieru, sorrayando que nun acepta nin solicita subvenciones o ayudes públiques.

El cese de l’actividá non solo pon en xaque la continuidá de la ufierta museístico y pedagóxico del parque, sinón tamién los sos servicios medioambientales. Según diz Laria, esta midida va paralizar los trabayos de recuperación d’animales mancaos o desamparaos que’l centru venía desenvolviendo de forma habitual. RTPA

Recuperación d’especies Allugáu na parroquia l.luarquesa d’El Matu, el Parque de la Vida nun ye un centru museísticu al usu. Con una estensión de casi dos hectárees en plena redolada natural, el complexu consolidóse como un referente didácticu y de divulgación científica nel norte peninsular. Les sos instalaciones alluguen dende pabellones dedicaos a la bioloxía marina, l’astronomía y l’evolución de les especies —con retruques y fósiles d’incalculable valor— hasta un planetariu y rutes botániques afeches.

Sicasí, una de les sos facetes más destacaes y sensibles ye’l so llabor altruista como abelugu y centru d’asistencia para la fauna montesa. La cortil acueye y recupera de forma habitual a exemplares autóctonos y exóticos mancaos, prindaos o vencíos por particulares que nun pueden ser reintroducíos de momentu na naturaleza. De nun siguir n’activu esto non solo amenacia’l legáu pedagóxicu y el fluxu turístico qu’atrai a munchos visitantes y escolares cada añu, sinón que dexa nun llimbu críticu esti activu llabor de protección y recuperación animal.

Énte la posibilidá de que’l zarru temporal sia definitivu, la dirección yá contempla’l destín de los fondos del espaciu. De nun volver a entamar el proyectu, la intención ye donar, vencer o compartir l’equipamientu y el fondu museísticu —bona parte del cual tien un valor únicu— con distintes instituciones científiques y museos d’ámbitu nacional ya internacional.