https://mrf.lu/2Ln3nUviéu ta a puntu de vivir un viaxe a otru mundu». La maquinaria de ‘Elrow’, la marca d’ociu electrónicu más internacional, yá ta en marcha para tresformar la cortil de La Ería, n’Uviéu, n’una esperiencia que desafía la lóxica. Nun ye solo un festival de música; ye una invasión de criatures fantástiques, globos xigantes y tonelaes de confeti que van sirvir como’l prólogu perfectu para les fiestes de San Mateo. El Comercio
So la temática ‘Delusionville 2.0’, los asistentes van somorguiase nun universu inspiráu nel pop art y el street art. Una suerte d’antroxu urbanu onde la realidá aburuyase ente colores vibrantes, personaxes con estética ‘cartoon’ y una atmósfera de llibertá absoluta. En ‘Elrow’, la barrera ente l’escenariu y el públicu sume: equí, l’espectador ye’l protagonista absolutu de la función. Siquier eso ye lo qu’aseguren los sos ceadores. «Caracterizase por xenerar universos surrealistes y escenarios de fantasía», esplica Esteban Girón, responsable de la organización n’Uviéu. Y esta vegada, el nivel de detalle promete dexar estelaos a los barganal de 11.000 asistentes que s’esperen na cortil.
El cartelu de luxu. Anque la puesta n’escena ye l’alma de ‘Elrow’, la banda sonora va tar al altor de la infraestructura. El cartelu combina estrelles mundiales con talentu local de primer nivel como Patrick Topping y Wade, dos de los nomes más potentes del tech-house actual. Marco Faraone y Olive F o Héctor Llamazares quien va dar el toque asturianu. Tamién artistes como Rendher y Malóne Morez completen una xornada que va arrincar a les 17 hores y va enllargase hasta les dos y media de la madrugada.
La llegada de ‘Elrow’ a Uviéu nun ye un eventu más. Ye la única parada de la marca en tol norte d’España anguaño, compartiendo protagonismu con grandes capitales como Madrid, Barcelona o Sevilla y que da’l pistoletazu de salida a la previa oficiosa de San Mateo, que va arrincar el día 10.
Miles d’entraes vendíes. La espectación ye máxima. Desque s’anunció la cita en xunu, miles de persones llanzarense a por información inclusive antes de conocer el cartelu. La respuesta en taquilla ta siendo escelente, y nun ye pa menos: la organización alvirtió qu’esta esperiencia ye «esclusiva» y que ‘Elrow’ nun suel repitir localizaciones de forma añal.
Por que tou funcione, un equipu de 250 persones trabaya contrarreló nel montaxe. Nun ye pa menos, pos la familia Arnau (fundadores de la marca fai más de 150 años) construyó un imperiu basáu na espectacularidá. Esteban Girón ye tayante sobro la magnitú de lo que va asoceder esti sábadu: «Tamos seguros de que van pasar años hasta que ‘Elrow’ vuelva pasar per Uviéu. Ye daqué de lo que se va falar na ciudá mientres décades».
