El Muséu del Vinu de Cangas acueye la primer grabación de Memoria Audiovisual d’Asturies’. Les protagonistes van ser escenes costumbristas de la vida cotidiana rural. Anque’l llavianés Ricardo Villoria nun busca a cencielles reproduciles. RTPA. Ricardo Villoria empieza en Cangas el rodaxe de ‘Memoria Audiovisual d’Asturies’
El Muséu del Vinu de Cangas acueye la primer grabación de ‘Memoria Audiovisual de Asturias’. Les protagonistes van ser escenes costumistes de la vida cotidiana rural. Anque’l llavianés Ricardo Villoria nun busca namás reproduciles.
Les tres inspírense n’escenes qu’apaecen en ‘La aldea perdida’, una obra sobre la que Villoria lleva años trabayando.
Cuáles son eses tres escenes, pel momentu, ye parte de la sorpresa. Les otres dos van grabase en Tinéu y Llaviana y van acabar formando una única pieza que se va proyectar nos tres conceyos.
Los rodaxes, amás, tán abiertos a los vecinos pa conocer cómo trabaya un equipu profesional y inclusive participar.
Quien s’avere hasta’l rodaxe afaya que detrás de cada escena hai muncho más de lo que se ve en pantalla señalen Leo Hess Álvarez y Ángel Álvarez.
‘Memoria Audiovisual de Asturias’ ye unu de los proyectos escoyíos pol Principáu na convocatoria de Proyectos culturales singulares nel ámbitu rural. Una iniciativa que busca fomentar la creación cultural implicando al propiu territoriu.
