LNE /El Comercio / Elrow Uviéu / Lluz, color, confeti y un esplegue visual ensin precedentes. San Mateo calez motores n’Uviéu con Elrow, un fiestón de música electrónica al qu’allegaron 10.000 persones d’ente 30 y 40 años: «Trátase de dexar salir al neñu interior». La única parada nel norte d’esti eventu funcionó como una gran feria d’atracciones p’adultos, llenu de moñecos xigantes, zancudos, agua de confeti, amarutes y purpurina.@elrow_
So la temática ‘Delusionville 2.0’, los asistentes somorguiaren nun mundu paralelu claramente inspiráu nel ‘pop art’ y el ‘street art’.
El festival Elrow, qu’estrenó la carpa de la Ería onde dientro d’una selmana van empezar los conciertos de les fiestes, foi un prólogu a los díes mateínos pero esconxuró la murnia del cambéu climatolóxicu cola promesa d’espurrir el branu hasta onde n’Uviéu nun se conocía.
La sesión, con unes diez mil almes según la organización, enllenó la carpa y traxo l’espíritu d’Eivissa a la capital d’Asturies.
Camises h.awaianes y morenures perfectes. Música techno capaz de contentar a los que buscaben la estroza pero digerible para la inmensa mayoría de les sensibilidaes, munches y múltiples, que se sumaron a esti esperimentu.
