Un centenar de deportistes van participar, el día 20, na Marcha Ciclista Solidaria «𝗥𝗼𝗯𝗲𝗿 𝗰𝗼𝗻𝘁𝗿𝗮 𝗲𝗹 𝗖á𝗻𝗰𝗲𝗿», d’Uviéu a Cuadonga. Les inscripciones siguen abiertes hasta’l próximu domingu, 13 de setiembre. tinyurl.com/58heww5v
“Esti eventu deportivu aúna dos elementos bien importantes para nós, como Conceyu, son bien importantes: el deporte y la solidaridá”.
El próximu 20 de setiembre, a les 09:00 hores, especificó Méndez, “esta marcha va empezar na plaza de Pierre de Coubertin, xuntu al Palaciu de los Deportes d’Uviéu y va rematar na Basílica de Cuadonga, una propuesta que nos convida a esfrutar de la bicicleta, de la nuesa redolada natural y d’una xornada deportiva y sobremanera pedaliar por una causa importante como ye la llucha contra’l cáncer.
Cerca d’un centenar de ciclistes va participar nesta edición, que va percorrer aprosimao 79 kilómetros y va pasar per Cualloto, El Berrón, Pola de Siero, Nava, Infiesto, Les Arriondes y Cangues d’Onís antes d’encarar el tramu final escontra Cuadonga, una marcha ciclista non competitiva, ensin cronometraxe y desenvuelta con tráficu abiertu.
Conocimos a Rober, conocimos el so proyectu y a la fin ye bien d’estimar que les persones venceyaes a él sigan con ese mandáu, con estos proyectos deportivos qu’a la fin lo único qu’escuerren ye recaldar fondos para la investigación. Namá podemos felicitar a Marco Prieto y a toles persones que faen posible qu’esti proyectu siga adelantre na so memoria. Dende’l Conceyu d’Uviéu queremos, por eso, estimar esa implicación, esa collaboración y siempres tamos alliniaos para siguir sumando y sofitando estes iniciatives y esta pedaliada solidaria”. Les inscripciones siguen abiertes hasta’l próximu domingu, día 13.
La moza Julia Rodríguez recordó que “esti ye’l tercer añu que contribuyo cola causa de Rober contra’l cáncer. Yo creo que más que dificultá a la de faer la marcha, ye más la emoción que trai llegar enriba, recordar a Rober y sentir la emoción de tola xente que ta ellí con nós acompañándonos”.
Víctor Xixón recordó los entamos de la Marcha y cómo a Rober “costó-y aquel primer añu. Fixo bien mal tiempu pero en cada pedalada percibíase el so fuerza y el puxu por querer llegar, por superase, por faer ver a la xente de que si yo puedo, tu puedes, que yera otra frase qu’él repitía enforma. Tres el so fallecimientu vimos qu’esto había que siguir llevándolo, que nun podía morrer, porque él fixo un camín bien grande y teníamos que siguir acompañándolo anque él nun tea”.
Una Marcha que recupera’l primer retu de Rober
Esta marcha remembra’l primer retu entamáu y realizáu por Roberto González cuando yá yera paciente oncolóxicu: completar en bicicleta el percorríu entre Uviéu y Cuadonga. Aquel primer desafíu deportivu y solidariu dexó recaldar 20.000 euros, que se destinaron a financiar la primer beca d’investigación patrocinada pola causa Rober contra’l Cáncer. La continuidá d’iniciatives como esta dexó caltener vivu’l so legáu y siguir recaldando fondos para la investigación oncolóxica. El 1 d’ochobre va tener llugar en Madrid la entrega de la sesta beca d’investigación de Rober contra’l Cáncer, frutu del respaldu consiguíu al traviés d’esta marcha y de los demás eventos solidarios promovidos pol proyectu.
Deporte y solidaridá contra’l cáncer
La marcha ta promovida por G.C. Extremely Bikes y forma parte de les iniciatives impulsaes por Rober contra’l Cáncer. El so oxetivu ye combinar deporte, convivencia y solidaridá, caltener vivu’l legáu de Roberto González y recaldar fondos para la investigación contra’l cáncer.