A Samartín de Lluiña considérase capital histórica de los vaqueiros d’alzada. Esti llugar rescampla pola so herencia cultural tan rica, el so entornu natural y la arquitectura tradicional. Ocupa tola parte central de Cuideiru, con una estensión de 40,15 km², y ye la parroquia más estensa del conceyu. Abarca nada menos que 23 pueblos, anque ye nel núcleo central de La Escalada onde s’alcuentra la so ilesia parroquial, declarada en 1999 Bien d’Interés Cultural.
A Samartín de Lluiña pertenecíen tamién les parroquies de Santa María de Soutu Lluiña, San Roque d’Ouviñana y Santiago de Nuviana cuando formaba parte de Pravia, conceyu del que s’estremó definitivamente a mediaos de 1800. Esta nueche, a les 22:30, #PueblosTPA
