La Danza del Portal ta cada vez más cerca de convertise en Bien d’Interés Cultural.
Patrimoniu yá emitió informe favorable y el Principáu prevé empecipiar anguaño la tramitación formal.
Esta danza ún de los momentos más esperaos de les fiestes del Portal, ta cada vez más cerca de ser reconocíu como Bien d’Interés Cultural (BIC).
Dende’l Conceyu valoren mui positivamente esti pasu. Defenden la importancia de protexer una tradición que forma parte de la identidá de Villaviciosa.
Güei participaron 72 pareyes, 144 persones, el máximu que dexa la Plaza del Conceyu. Una danza que se vive con emoción y muncha devoción.
Y relevu nun paez falta-y, cada añu son más los mozos qu’esperen la so oportunidá pa formar parte d’una tradición que Villaviciosa quier siguir baillando per munches xeneraciones.
