Pavlov y la fisioloxía que camudó l’estudiu de la conducta. El 14 de setiembre de 1849 nació Iván Petrovich Pavlov en Riazán, Rusia. Empezó la so formación en teoloxía, pero abandonó ese camino para dedicase a les ciencies naturales y la fisioloxía. La so carrera científica concentróse primeramente nel funcionamientu del aparatu dixestivu y nos mecanismos nerviosos que regulen les secreciones.
Foi un neurólogu y fisiólogu rusu, célebre por formular el condicionamientu clásicu (tamién llamáu perru de Pávlov o perru pavloviano).
En 1904 recibió’l Premiu Nobel de Fisioloxía o Medicina poles sos investigaciones sobro la fisioloxía de la dixestión. Los sos esperimentos posteriores con perros dexaron estudiar l’asociación ente estímulos y respuestes, conceutu que pasó a conocese como condicionamientu clásicu.
Pavlov dirixió mientres décades investigaciones en San Petersburgo y siguió trabayando hasta la so muerte en 1936, dexando una influencia directa sobro la fisioloxía, la psicoloxía esperimental y les ciencies del comportamientu.
