Publicado en Lliteratura, Premios

Paula Pulgar gana’l XIX Premiu María Josefa Canellada

📚 Paula Pulgar Alves gana’l XIX Premiu María Josefa Canellada de lliteratura infantil y xuvenil n’asturianu cola obra Secretos. La Conseyería de Política Llingüística  reconoz a la escritora y filóloga por un trabayu qu’aborda la empatía y el respetu al traviés del mundu animal y que, según el xuráu, destaca por integrar el léxicu tradicional nun asturianu actual y pol so «mui bon manexu del idioma». RTPA
El Premiu distingue la creación lliteraria destinada al públicu infantil y xuvenil en llingua asturiana y ta dotáu con 6.000 euros, un troféu y la publicación de la obra ganadora. MÁS INFO: https://actualidad.asturias.es/-/canellada169

El xuráu destaca l’habilidá de Paula Pulgar pa integrar el léxicu tradicional col asturianu actual y punxo en valir la temática pola so capacidá pa encaxar col públicu más mozu.
Paula Pulgar Alves ye llicenciada en Filoloxía Hispánica y especialista en Filoloxía Asturiana y desenvolvió bona parte de la so trayectoria profesional ente la enseñanza y la normalización llingüística.
Anguaño, exerz como docente nun institutu de Cantabria. La so obra lliteraria inclúi títulos como Primeres aventures de Pulgu y Yolín (2007), El mundu de Susana (2008), Cuentos de metru y de centímetru (2008) y Calidoscopiu (2011), amás de relatos publicaos en revistes y volumes colectivos. Anguaño publicó tamién, como coautora, Petronila Lupperkrüt y los curtios.

Autor:

Maestra de Llingua Asturiana Colexu Carmen Ruiz-Tilve - Uviéu