L’IPC xube al 3,9% n’Asturies y al 4,3% nel total d’España.
Los precios medren impulsaos pol encarecimientu del carburante.
L’índiz de precios de consumu (IPC) xube hasta’l 3,9% n’agostu n’Asturies al respective d’un añu enantes, según los datos del INE. Al respective del mes pasáu medraron un 1%. Nel total del país tamién xuben los precios, hasta 4,3%, son siete décimes más al respective de xunetu.
Ente los motivos d’esta xubida ta l’encarecimientu del carburante y el combustible que lo ficieron más d’un 21%, pola guerra y la mengua temporal de les ayudes. Sicasí Asturies ye una de les tres comunidaes onde menos s’encarecieron cunto con Les Canaries y La Rioja.
