Publicado en Mapes

El mapa de los desiertos del mundu

Abargana de 1.000 millones de persones viven en rexones desértiques. El so valor estratéxicu ta creciendo cola meyora del cambéu climáticu.
🏜️Nos desiertos del mundu viven barganal de 1.000 millones de persones.  Y son muncho más importantes de lo que solemos pensar. Llueñe d’esa imaxe de sitios inhóspitos y abandonaos. Son la superficie terrestre más estensa del planeta. Absuerben y almacenen dióxidu de carbonu, ayudando a regular la temperatura global. Y concentren recursos que güei son clave na xeopolítica mundial. https://elordenmundial.com/mapas-y…/mapa-desiertos-mundo/

Un desiertu ye un territoriu con bien poca agua al añu, de normal menos de 250 mm añales. Son territorios desaxeradamente grebos, onde la falta d’agua resulta en poca vexetación y vida animal. Lo que ye más, xueguen un papel clave na ecoloxía yá que absuerben y almacenen dióxidu de carbonu, regulando la temperatura global.

Les definiciones de los tipos de desiertos varien, pero de normal entámense en templaos y desiertos fríos.

  • Los desiertos templaos suelen tener temperatures bien altes mientres el día, llegando a más de 50 °C, y la vida ta afecha a unes condiciones de calor estremu.
  • Per otru llau, los desiertos fríos tán allugaos en territorios con mayor altitú y tienen temperatures bien baxes de media, anque dalgunos, como’l desiertu del Gobi, puede llegar a los 45 °C pel branu.
  • Amás, nos desiertos fríos, la precipitación cai nel so mayor parte en forma de nieve.
  • Delles definiciones tamién consideren l’Árticu y l’Antártida como ermos fríos o desiertos polares pola so baxa precipitación, anque les sos condiciones polares son bien distintes de les de los desiertos fríos continentales.

El Sahel ye una amplia rexón que s’estiende dende’l desiertu del Sáhara hasta la zona tropical del África subsahariana.  Trátase d’una franxa de 6.000 km que crucia’l continente africanu d’este a oeste, nuna petrina que conecta l’océanu Atlánticu col mar Coloráu. El so mapa físicu caracterizase por una xeografía variada, con amplies zones desértiquesy cascayoses y, coles mesmes, fontes d’agua tan importante como’l ríu Nilo o’l llagu Chad.

El mapa físicu del Sahel ta marcáu na so zona norte pol Sáhara, según poles grandes formaciones xeolóxiques que chisquen esti desiertu. Magar la imaxe turística del Sáhara ye la del mar de dunes, lo cierto ye qu’esti desiertu cunta con diverses cadenes montascoses, macizos y cordales volcánicos que caractericen la orografía tantu d’esta rexón como la de la so vecina, el Magreb.

Autor:

Maestra de Llingua Asturiana Colexu Carmen Ruiz-Tilve - Uviéu