La Sociedá Pública de Xestión y Promoción Turística y Cultural del Principáu d’Asturies (d’equí p’arriba la SPGP), amás de tener encamentada la xestión de dellos equipamientos culturales, turísticos y deportivos de la rexón, tien ente los sos fines la prestación de too tipu de servicios pa la promoción del sector y actividaes turístiques y culturales del Principáu d’Asturies.
Estos equipamientos, amás d’ufiertar una programación recurrente, promueven un programa d’actividaes especiales coles mires d’atraer nuevos públicos y ufiertar actividaes novedoses al públicu recurrente.
La SPGP plantega esta convocatoria de talleres didácticos con un doble oxetivu: per un sitiu, dar a conocer el trabayu de profesionales de distintos ámbitos como la ciencia, la hestoria, la lliteratura, les nueves tecnoloxíes, l’arte, el deporte, la salú, etc. y por otru, averar tantu a ciudadanía asturiana qu’habita na redolada d’estes sedes, como a los turistes, una programación d’actividaes didáctiques y lúdiques calidable dirixíes a públicu de toles edaes.
A partir de la selección conformará un llistáu de talleres didácticos que va sirvir de base pa la programación en distintes sedes del ámbitu de la xestión de la SPGP o nel marcu de dalguna de les acciones que programe mientres 2027 y 2028.
Les sedes que van poder acoyer les actividaes oxeto d’esta convocatoria son les siguientes:
Llaboral Ciudá de la Cultura (Xixón)
Muséu del Xurásicu d’Asturies (Colunga)
Parque de la Prehistoria de Teberga (Teberga)
Centru d’Arte Rupestre de Pedrete Bustillo (Ribeseya)
Centru del Prerrománicu Asturianu (Uviéu)
Muséu Etnográficu de Grandas de Salime “Pepe’l Ferreiro” (Grandas de Salime)
Por aciu la presente convocatoria establécense les bases y requisitos que van rexir la mesma, según el procedimientu pa la selección de les actividaes o propuestes que van integrar esti llistáu con al respective de los principios de publicidá, llibre concurrencia y oxetividá.
La hora y fecha llende de presentación de les solicitúes van ser les 12:00 hores del día 7 d’ochobre del 2026.