24 años y 58 díes. Con esa edá, el pilotu español Fernando Alonso consagróse campeón mundial de Fórmula 1 en rematando terceru nel Gran Premiu de Brasil, apostáu nel circuitu d’Interlagos. Corría para l’equipu Renault y rompía un récord de precocidá que perteneciera a Emerson Fittipaldi dende 1972. Foi, amás, el primer español en ganar el campeonatu de pilotos na hestoria de la categoría. Alonso repitiría’l títulu al añu siguiente, en 2006, tamién con Renault, antes d’empecipiar un llargu períodu ensin consiguir un tercer campeonatu magar sumar más de 350 grandes premios apostaos a lo llargo de la so carrera. Premiu Princesa d’Asturies de los Deportes nel añu 2005.
Alonso consiguió llegar al cume de la so disciplina deportiva tres años de grandes sacrificios y arrenuncios. Col únicu sofitu de la so familia, nos empiezos de la so carrera, ye güei un exemplu para la mocedá española y mundial, yá que la so trayectoria ye la consecuencia de la firme voluntá pol trunfu.
Fernando Alonso, embaxador de la UNICEF, pertenez al mundu de los campeones singulares, aquellos que consiguen abrir nuevos caminos n’especialidaes de máxima dificultá, lo que-y convirtió yá nun símbolu y un referente capaz d’ilusionar a millones de persones.
<

