Publicado en Curiosidaes

L’orixe de los esperteyos fai 65 millones d’años n’Europa

Un estudiu publicáu na revista Nature asitió l’orixe de los esperteyos fai 65 millones d’años n’Europa, modificando les hipótesis previes qu’allugaben el surdimientu d’estes especies n’Asia, África o América.

La investigación, considerada la más amplia realizada hasta la fecha, combinó la secuenciación del xenoma de 103 especies representatives de les 21 families reconocíes col analís de 44 fósiles procedentes de diverses rexones del mundu, dexando determinar que la población inicial esvalixase dende’l continente européu escontra África y, darréu, escontra’l restu de los continentes. Más info en
: El Mundo / https://www.jornada.com.mx/…/descubren-que-los…
Un grupu internacional de 137 investigadores de 64 países llogró desentrañar l’orixe de los esperteyos según el momentu de la evolución nel que surdieron: fai 65 millones d’años nel territoriu que güei ye Europa, dende onde s’estendieron a África, creando un núcleu euru-africanu y, dempués, escontra Asia, les Amériques y Australia. Enantes, el so orixe  asitíabase n’Asia, África o América del Norte.

Hai más razones poles que los esperteyos tán consideraos mamíferos estraordinarios. Son los únicos capaces de realizar vuelu propulsáu, y vuelen y cacen en total escuridá empobinándose namá por aciu el soníu. Con más de 1.500 especies distribuyíes por tol mundu, peracaben grandes cantidaes d’insectos, polinizan les plantes y esvalixen granes, razón pola que son esenciales para la salú de los nuesos ecosistemes.

«Los esperteyos son unu de los mayores esperimentos de la evolución», sostien Sonja Vernes, profesora de la Universidá de St Andrews y coautora del estudiu. «Esti estraordinariu recursu xenómico, frutu d’años de cooperación internacional dientro del proyectu Bat1K, déxanos por fin entender cómo evolucionó la so notable bioloxía», añede, en relación a la gran cantidá d’información a la que tuvieron accesu los investigadores gracies a la cooperación ente distintes instituciones y países.

Pa la creación d’esti conxuntu de datos recoyéronse amueses d’esperteyos de too el mundu a lo llargo de décades, incluyíos representantes de delles de les families más rares y singulares.

Asina se pudo reconstruyir la hestoria evolutiva de los únicos mamíferos voladores del mundu tres décades d’investigación.

 

Autor:

Maestra de Llingua Asturiana Colexu Carmen Ruiz-Tilve - Uviéu