L’asturiana Eolo Toys sal güei martes a Bolsa valorada en 15 millones. La xuguetera debuta nel índiz BME Scaleup con un preciu de 2,60 euros por acción. LNE
La empresa xuguetera asturiana Eolo Toys incorpórase a BME Scaleup, el mercáu de valores de compañíes en crecimientu, güei martes 29 de setiembre, con una valoración total cercana a los 15 millones d’euros. Va ser la octava empresa asturiana que cotice en Bolsa.
Eolo Toys recibió l’aprobación del comité d’alministración de BME Scaleup pa la so inclusión nel mercáu, depués d’analizar tola documentación presentada y de que’l Comité de Coordinación de Mercáu d’Incorporaciones emitiera un informe d’evaluación favorable.
Eolo Toys, con sede en Xixón, ye la sociedá matriz d’un grupu internacional con unos 50 años de trayeutoria venceyada a la creación, el desarrollu y la comercialización de xuguetes, entretenimientu y soluciones pa mascotes. La compañía cuenta con 25 marques propies y 18 patentes que distribúi en más de 55 países. #eolotoys #eolosmile #keepsmiling #toyworld #toyindustry #toys #toysforkids #funtoys #eolofun
