A les 06:50 UTC del 29 de setiembre de 1977, un cohete Proton-K desapegó dende Baikonur cola estación espacial soviética Salyut 6, que camudó la forma de vivir y trabayar nel espaciu. La plataforma permaneció en serviciu hasta xunetu de 1982 y convirtióse n’una pieza central del programa espacial soviéticu. Salyut 6 incorporó unu cambéu decisivu respectu d’estaciones anteriores. Disponía de dos puertos d’acoplamientu, lo que dexaba recibir simultáneamente una nave tripulada y una nave de carga. Esa configuración facilitó la permanencia enllargada d’astronautes, el reemplazu de tripulaciones y reabastecimiento de combustible y suministros.
La estación recibió numberoses naves Soyuz y Progress. L’usu de vehículos de carga ensin tripular dexó tresportar alimentos, agua, combustible, equipos científicos y repuestos ensin ocupar les naves destinaes al regresu de les tripulaciones.
Salyut 6 tamién foi escenariu de misiones internacionales. Astronautes de distintos países participaron nel programa Intercosmos y llegaron a la estación xuntu con tripulaciones soviétiques. La esperiencia contribuyó al desenvolvimientu de procedimientos de cooperación espacial que darréu tendríen continuidá na estación Mir y, décades dempués, na Estación Espacial Internacional.
Mientres la so operación realizaronse esperimentos científicos, observaciones de la Tierra y pruebes destinaes a estudiar la permanencia humana mientres períodos enllargaos n’órbita. La estación foi tresmandada’l 29 de xunetu de 1982 y los sos restos ingresaron na atmósfera terrestre.
