Publicado en Fotografía, NATURA

Les semeyes d’animales más risonderes del añu

Los finalistes de los Nikon Comedy Wildlife Awards 2026. Xestos imposibles, tracamundios visuales, accidentes risibles y espresiones sosprendentemente humanes protagonicen les imaxes finalistes d’unos premios que celebren el llau más risonderu de la naturaleza.

 

La naturaleza puede ser maxestosa, pero tamién extraordinariamente risondera.

Los Nikon Comedy Wildlife Awards 2026 escoyeron decenes de fotografíes que prinden momentos tan inesperaos como hilarantes: babuinos convertíos en forzudos, elefantes despistaos, osos que paecen compartir chistes o búhos con cara d’absoluta incredulidá.

Les imaxes finalistes, tomaes por fotógrafos de too el mundu, demuestren que l’humor nun ye una cualidá puramente humana.

Gracies a una combinación de paciencia, suerte y un impecable sentíu de la oportunidá, el autores han inmortalizado escenes que paecen sacaes d’una comedia, pero qu’asocedieron de forma dafechu natural.

Más allá de les risaes, los premios tamién busquen averar al públicu a la fauna selvaxe y fomentar el so caltenimientu.

Esta galería axunta dalgunes de les instantánees más atélites y entrañables del añu, y recuérdanos qu’inclusive nos llugares más remotos del planeta siempres hai espaciu para una sorrisa.

Autor:

Maestra de Llingua Asturiana Colexu Carmen Ruiz-Tilve - Uviéu