Publicado en Asturianada, Día de..., Música

Día Institucional de l’Asturianada nel L’Entregu

Cultura celebra güei el Día de l’Asturianada nel L’Entregu. El Teatru Nuberu va acoyer a les 12:00 hores una gala que va incluyir distintes formes del cantar tradicional y va dar especial protagonismu a les voces infantiles. La conmemoración va rindir homenaxe al musicólogu alemán Pieter Minden, autor d’una investigación de referencia sobro la tonada. Actualidá /

L’asturianada foi declarada oficialmente Bien d’Interés Cultural (BIC) de calter inmaterial en 2015.

L’Entregu acueye esti fin de selmana la celebración
del primer Día Institucional de l’Asturianada

Una xornada que xune tradición y relevu xeneracional cola participación de les asociaciones d’intérpretes del Narcea, Nalón y de la Canción Asturiana.

Canciones que guarden recuerdos, formes de vida, fiestes y sentimientos que fueron pasando de xeneración en xeneración.

 

La Conseyería de Cultura, Política Llingüística y Deporte celebra güei domingu, 4 d’ochobre, nel conceyu d’El Entrego, el Día Institucional de l’Asturianada, una cita que naz con vocación de continuidá para reconocer una de les espresiones más singulares de la cultura tradicional asturiana y contribuyir a la so tresmisión ente xeneraciones.

L’actu, que va tener llugar a partir 12:00 hores nel Teatru Nuberu de L’Entregu y va ser conducíu por Esther Fonseca, va axuntar mientres una hora memoria, música y nueves voces. Les actuaciones van percorrer distintes formes de la tradición cantada, como molineres, cantares dialogaos, de siega y otros repertorios, interpretaes principalmente por neños y neñes.

El protagonismu de les voces infantiles reflexa’l sentíu de la xornada, que pretende recordar que l´asturianada, declarada bien d’interés cultural (BIC) de calter inmaterial en 2015, llegó hasta los nuesos díes gracies a quien la cantaron, aprender y tresmitir. Nes sos lletres y melodíes permanecen formes de vida, trabayos, fiestes, ciños y cambeos sociales que formen parte de la memoria común.

Unu de los momentos centrales de la gala va ser l’homenaxe al musicólogu alemán Pieter Minden, fináu apocayá y amestáu al estudiu del cantar asturianu. El so trabayu dexó afondar n’aspeutos como les maneres musicales, los tipos melódicos, los estribillos, la interpretación y la relación ente la voz y la gaita.

Pieter Minden, gran estudiosu de la tonada, fináu apocayá. El musicólogu alemán dedicó la so tesis doctoral, fai yá 25 años, a l’asturianada.

Minden realizó una estancia investigadora n’Uviéu  y presentó en 1995 na Universidá de Tübingen xuna tesis doctoral dedicada a la tonada. Aquel trabayu dio llugar a La tonada asturiana: un acercamientu musicolóxicu, publicáu en 2001 pol Real Institutu d’Estudios Asturianos (Ridea) y convertíu nuna referencia pa la conocencia del xéneru.

Con esti Día Institucional de l’Asturianada, el Gobiernu d’Asturies quier acutar al cantar tradicional un espaciu propio y estable nel calendariu cultural. La celebración mira a quien la cantaron, caltuvieron y estudiaron mientres xeneraciones, pero tamién a quien empiecen agora a faela so.

La gala cunta cola participación de l’Asociación d’Intérpretes del Cantar Asturianu (AICA) y les asociaciones de cantar asturianu del Narcea y del Nalón, amás de la collaboración del Conceyu de Samartín del Rei Aurelio.

Autor:

Maestra de Llingua Asturiana Colexu Carmen Ruiz-Tilve - Uviéu