- Alborecemos col cielu cubiertu ya con unes temperatures que tan alrodiu de los 14ºC, rexistrándose nel puirtu Payares 10,1ºC
- Güei vamos tener el cielu cubiertu con apertura de dellos claros nes hores centrales del día. Les temperatures van camudar poco y l’aire sedrá sele ya variable.
- Mañana llunes alboreceremos con muncha nubosidá pero pali que pali dirá dixebrándose pa quedar el cielu poco noboso o escampláu pela tarde, amás les temperatures subirán algamándose los 20ºC ampliamente de másima.
- El martes pasará lo contrariu, alboreceremos con escasa nubosidá pa dir aumentando a lu llargu la mañana y dexanos el cielu tapecíu con unes temperatures que van camudar poco, canteniéndose un ambiente mui afayaizu.
- El miércoles escamplará y tendremos un día mui soleyeru con temperatures en moderáu ascensu, paez que’l xueves dirá entrando dalgo de nubosidá y baxarán llixeramente les temperatures.
- Yá de cara a la fin de selmana la entrada de vientu nordés mos va apurrir nubosidá de retención dalgo d’orpín y sobre too un descensu bultable de les temperatures, amás esta tendencia paez que tendrá continuidá a lu llargu la selmana viniente pero esto yá lu diremos viendo.