Publicado en Celta

Fai 2.400 años el norte d’España abandonó los sos castros…

Fai 2.400 años el norte d’España abandonó los sos castros por completu, y tou empezó n’Asturies — Naide sabe qu’asocedió. Noticia

Un estudiu del CSIC reconstrúi con radiocarbono el final de la Primer Edá del Fierro nel norte peninsular: los poblaos fortificaos abandonárense en menos d’un sieglu, empezando pol occidente d’Asturies, ente que los nuevos tardaron siquier dos sieglos n’asitiase.

Escontra l’añu 400 a.C. Europa camudó, pero nun lu fixo n’una sola dirección. Atenes acababa de perder la guerra del Peloponeso (404 a.C.) y, según la tradición romana, los galos escalaríen Roma en redol al 390 a.C. Más al norte, les comunidaes de la Edá del Fierro reaccionaben de maneres casi opuestes.

Castros nel área d’estudio. Crédito: S. Nión-Álvarez 2026

Nel sur de los Países Baxos y el sureste de la Galia, la xente arrexuntabase en menos poblaos y creció la desigualdá. N’Europa central, sicasí, procesos de xerarquización que veníen de llueñe paecen atayase. Hubo despoblación nel Rin mediu, na Champaña francesa y na zona de Nitra, en Eslovaquia, y en Gran Bretaña la población xubió nes Midlands mientres baxaba n’Essex.

L’arqueoloxía suel tratar esti momentu como un simple pasu ente dos etapes, non como un asuntu dignu d’estudiu por sigo mesmu. Propunxéronse’l clima, les migraciones y los conflictos como causes, y el trabayu que nos ocupa recuerda que lo más probable ye xuna combinación de dellos factores. Lo que falta ye daqué más básicu, saber cuándo asocedió cada cosa y en qué llugar.

D’eso ocupa Samuel Nión-Álvarez, investigador del INCIPIT-CSIC en Santiago de Compostela, nun artículu d’accesu abiertu publicáu nel Journal of Archaeological Science. Céntrase nel norte de la Península Ibérica por una razón práctica: hai bien de dataciones de radiocarbono de la Edá del Fierro y, según l’autor, la dinámica social de la zona foi sobremanera interna, ensin la influencia directa de potencies coloniales que sí se dexó sentir nel Mediterráneu.

Nesa franxa del norte, la Primer Edá del Fierro reconocese polos castros, poblaos fortificaos que dende los sieglos IX o VIII a.C. sustituyeron a les sociedaes más móviles de la Edá del Bronce. Escontra’l 400 a.C. esi paisaxe tresformose por completu.

¿Asolapáronse’l mundu vieyu y el nuevu? Sí, anque pocu. Na fachada atlántica la convivencia envalorada ronda los 69 años de media, ente que nel oriente cantábricu quedarense n’unos pocos años y con una probabilidá baxa. La esceición ye l’este del Pandu Norte, onde’l solapamiento sería mayor. En 18 de los 109 xacimientos hai feches para les dos fases, y apunten a un buecu ente elles. Ye lo que se repara en castros asturianos como Pelou, Llagú o San Chuis.

Esti postreru, nel conceyu d’Ayande, ye unu de los poblaos fortificaos más escavaos d’Asturies. Les campañes empezaron en 1962 so la dirección de Francisco Jordá Cerdá y retomáronse en 1979, nuna contorna de ricos depósitos d’oru que los romanos esplotaríen a gran escala.

Ente medies apaecen unos llugares interesaos, los que l’estudiu llama «sitios temporales». Son asentamientos abiertos d’ocupación curtia y espacios funerarios o rituales que se concentren nel postreru terciu del sieglu V a.C., sobremanera na mariña atlántica. Ellí, mientres la Edá del Fierro, nun se conocíen nin poblaos abiertos nin llugares d’enterramientu, asina que resulten una novedá. Eso sí, l’amuesa ye pequena y l’autor pide precuru antes de falar d’un enclín xeneral.

 

Autor:

Maestra de Llingua Asturiana Colexu Carmen Ruiz-Tilve - Uviéu