Publicado en Empreses, Feries

IV Feria d’Emprendedores d’Asturies

Actualidá / El Principáu va reforzar el so sofitu al emprendimiento femenín cola celebración dd’esta feria que va tener llugar el sábadu 17 d’ochobre en L’Infiestu col fin d’impulsar y consolidar proyectos empresariales lideraos por muyeres. La Dirección Xeneral d’Igualdá entama en collaboración col Conceyu de Piloña esta cita, que se consolidó como espaciu de referencia para les muyeres que deciden empecipiar una actividá económica.

Sol lema Consolidar pa crecer: muyeres qu’impulsen el futuru d’Asturies, esta edición enceta unu de los principales desafíos del emprendimientu: afitar proyectos y favorecer la so crecedera. Esta orientación surde del convencimientu de les alministraciones de qu’avanzar escontra la igualdá implica favorecer l’autonomía económica de les muyeres y sofitar la so participación plena na sociedá.

La programación va empezar con un taller sobro afitamientu empresarial dirixíu a entamadores que deseyen fortalecer los sos negocios y planiar nueves etapes de desenvolvimientu.

A partir de les 12:00 hores, va abrir les sos puertes el mercáu d’entamadores, un espaciu que va dexar a la ciudadanía conocer productos, servicios y proyectos impulsaos por muyeres de distintos sectores.

La feria pretende dar a conocer l’aportación de les muyeres al desenvolvimientu económicu d’Asturies, con iniciatives que xeneren empléu y actividá económica nel mediu rural, de la que contribúin al equilibriu territorial y al dinamismu de los conceyos.

La xornada va incluyir tamién actividaes culturales, espacios d’intercambiu d’esperiencies y propuestes pal públicu infantil, coles mires de convertir l’alcuentru nuna cita abierta a tola ciudadanía.

Autor:

Maestra de Llingua Asturiana Colexu Carmen Ruiz-Tilve - Uviéu