Publicado en Celta, RTPA

El mundu de los ástures y los sos castros, na TPA

Radiotelevisión del Principado de Asturias/ Ver na web de la TPA / El mundu de los ástures y los sos castros terminó xustamente cuando taba a puntu d’empezar la nuesa era. Entós apaeció un poder desconocío entá equí, pero dispuestu a espandise a fierro y sangre: l’Imperiu Romanu, col so gran exércitu profesional. Roma atacó’l territoriu de Asturies para dar per terminada la conquista de tola Península y tamién para estrayer l’oru de les sos mines, utilizando a los ástures como esclavos o como mano d’obra forzada. #AsturiesElPasadoQueSomosTPA este martes, a las 22:30 en #TPA

El pasáu nun contien tan solo’l relatu de los guerreros y les sos fazañes. La nueva mirada de l’arqueoloxía fálanos de la xente común, de dambos sexos, de la so organización social y de les sos formes de vida.

Asturies alluga más de doscientos castros fortificaos, les primeres aldegues del nuesu territoriu, fundaes fai casi 3.000 años. Nelles vivíen les xentes a les que los romanos llamaríen tiempu dempués “ástures”. Dedicábense a l’agricultura y la ganadería y en dellos llugares tamién a la minería y la metalurxa: el cobre de les mines asturianes foi atopáu en diversos enterramientos del norte d’Europa, a miles de kilómetros d’equí.

Les escavaciones arqueolóxiques de los castros fálennos de ciertu costumes que coinciden en bona midida colo descrito polos xeógrafos romanos: la importancia de les muyeres y una rara igualdá de clases, n’una sociedá na que probablemente nun hubo élites económiques. Pero tamién nos dexen el misteriu del so mieu: ¿qué yera lo que tarrecíen para arrodiar siempres los sos asentamientos con grandes muralles y fondos fosos?

Ánxeles Casu, en compañía de voces espertes, vive l’aventura de cuntanos el pasáu prehistóricu d’Asturies con rigor, cercanía y pasión, contribuyendo a camudar la nuesa visión y los nuesos estereotipos sobro les xentes d’aquelles dómines.

Autor:

Maestra de Llingua Asturiana Colexu Carmen Ruiz-Tilve - Uviéu