Publicado en InformáTICa

Recuperar los llibros impresos, los cuadiernos y l’escritura manual.

📚 Suecia, ún de los países más avanzaos tecnológicamente, ta amenorgando l’usu de ordenadores y tabletas nes sos escueles pa recuperar los llibros impresos, los cuadiernos y l’escritura manual. La decisión respuende a la esmolición pol descensu del rendimientu académicu, les dificultaes de concentración y los resultaos de les evaluaciones internacionales de deprendimientu.

Mientres años, el país apostó por digitalizar les sos aules, inclusive dende preescolar, pero los resultaos nun cumplieron les mires. La profesora de Harvard Emiliana Vegues alvierte que la tecnoloxía tien d’utilizase con oxetivos pedagóxicos concretos, especialmente cuando apurre beneficios reales.

Suecia nun ta esaniciando les computadores: busca utilizales selectivamente y fortalecer la llectura, la comprensión y l’atención. La llección ye clara: incorporar más pantalles nun garantiza una educación de mayor calidá.

Autor:

Maestra de Llingua Asturiana Colexu Carmen Ruiz-Tilve - Uviéu