La candidatura a Capital Europea de la Cultura Uviéu 2031 entrega’l ‘Bid Book’ en Madrid. El proyectu va entrar nel rexistru del Ministeriu de Cultura a primer hora del martes 3 de payares, a la espera de la decisión final sobre la ciudá ganadora. El Comercio
Uviéu abraza la «utopía» pa ser Capital Cultural con 45 proyectos culturales y una rede de 38 países. La candidatura apurre al Ministeriu de Cultura’l dosier definitivu, qu’incorpora cuatro convocatories abiertes dende 2028 y asitia La Vega como símbolu de la tresformación cultural. El Comercio
La candidatura caltién la ‘Amabilidá’ como seña d’identidá, pero incorpora ‘Escoyer la utopía’ como nuevu lema. «Amabilidá sigue siendo la nuestra raíz, una palabra asturiana que nun traducimos porque queremos qu’Europa la descubra, pronúnciela y apodérese del so significáu», esplicó’l director.
La utopía, pela so parte, «nun ye un llugar perfectu, sinón un horizonte, una dirección qu’escoyemos», añedió, p’alvertir de siguío que tamién camuda la estructura del programa artísticu.
Les anteriores exes, ‘Orbayu’, ‘Abellugu’ y ‘Sestaferia’, dexen paso a ‘Esistencia’, ‘Resonancia’ y ‘Permanencia’, trés conceptos que, según Sánchez Farpón, resulten más fáciles de treslladar a otres llingües europees. Nesi sentíu, los capítulos del documentu tán ilustraos con fotografíes de l’asturiana Kela Coto nes que s’afonda sobre’l presente y el futuru del territoriu asturianu (de nuevu, la mazana ye un elementu tractor). «Nun precisamos arrenunciar a la nuestra identidá pa internacionalizarnos», defendió.
La candidatura a Capital Europea de la Cultura Uviéu 2031 va apurrir el martes 3 de payares pela mañana a primer hora’l ‘Bid Book’ o informe sobre’l proyectu uvieín pa la nominación final que va tener llugar el próximu mes, con una visita de los comisarios de la capitalidad a la ciudá nel mediu.
Mientres esto ocurre’l director de la candidatura, Rodolfo Sánchez; l’alcalde, Alfredo Canteli; la conseyera de Cultura, Vanessa Gutiérrez, y la codirectora artística d’Uviéu 2031, Zoe López Mediero, van presentar el mesmu ‘Bid Book’ n’Uviéu y van tener un alcuentru col Conseyu de la Capitalidad y artistes invitaos.
El ‘Bid Book’ definitivu tien de responder a les cinco claves que’l comité de decisión plantegó fái mese y que la candidatura tendría d’apolazar y concretar como’l presupuestu estimáu de 181 millones pal acontecimientu, qu’inclúi, ente otres coses, la rehabilitación del la Fábrica de la Vega como gran espaciu central; el sofitu políticu yá consiguíu anque a la espera de que se consiga o non la designación; tamién nel comité destácase la potencia del conceptu de ‘Amabilidá’, pero’l xuráu alvierte qu’Uviéu tendrá de convencer más allá de les sos fronteres, un problema d’idioma; tendrá de presentar un plan B pa la Fábrica de la Vega pola mor de la llongura camín de tresformación urbanística que-y queda a la zona, y a lo último, según el comité d’espertos, l’organigrama actual ta poco definíu y pide esclariar les funciones esactes del director executivu y del coordinador xeneral.
Amás, Uviéu tendrá de demostrar que tien capacidá pa xestionar cooperación cultural internacional a gran escala, un ámbitu onde’l panel d’espertos considera que la ciudá tien inda una «esperiencia llindada». Tou ello tendrá de tar incluyíu nel ‘Bid Book’ final que se va presentar el 3 de payares nel rexistru d’entrada del Ministeriu de Cultura.
