La posición d’un anticiclón centráu nes Islles Britániques y espurréndose escontra la Península Escandinava, va favorecer la entrada d’aire frío continental escontra’l Cantábricu. D’esta forma, esti martes esperamos un descensu xeneralizáu de les temperatures d’unos 4 o 5 °C respectu al llunes, inclusive más de 6 °C nel cordal. Va ser raru qu’en dalgún puntu del Principáu superen los 12 o 13 °C del martes. Los cielos van tar parcialmente nublos con bastios intermitentes entrando pol oriente. Los vientos van soplar de nordeste.
Asturies pasa del sol de la ponte al orbayo: esti martes esperen agües débiles en tola rexón y nieve percima de los 1.400-1.500 metros. Les máximes nun van superar los 15 graos. LNE
Del sol al orbayo y la nieve. Esti martes, el tiempu n’Asturies dio un xiru radical, dempués d’una ponte de Tolos Santos nel qu’el veroño foi’l protagonista. Según alerta l’Axencia Estatal de Meteoroloxía (AEMET), pa güei espérense precipitaciones xeneralizaes y débiles, que percima de los 1.400- 1.500 metros d’altitú van cayer en forma de falopos de nieve. Amás, los termómetros esperimenten una baxada importante, con máximes que nun van superar en tol Principáu los 15 graos.
En concreto, el mercuriu va asitiase nos 15 en Xixón y Navia, nos 14 n’Avilés y Llanes, nos 12 n’Uviéu y Llangréu… El descensu va ser especialmente acusáu nel Cordal, onde los montes se cubrirán de blancu.

